Мисија
Ансамблот Традиција се стреми кон квалитетна и посветена работа, правилно пренесување на фолклорното наследство и создавање генерации кои со гордост ќе го чуваат и продолжат она што ни е оставено од нашите предци.
Почитувани деца и возрасни
Ора и песни што се пренесуваат од колено на колено.
Ве очекуваме на рекреација, дружење и учење македонски традиционални ора и песни. Придружете ни се и станете дел од нашата приказна.
За нас
Ансамбл Традиција е фолклорен ансамбл посветен на негување, изучување и промовирање на македонското национално творештво.
Ансамбл Традиција е место каде македонската традиција се среќава со современиот дух, а фолклорот се доживува не само како игра, туку како љубов, култура и начин на поврзување.
Нашата приказна ја градиме преку македонските ора и песни, музика и народни носии, со почит кон изворното, но и со желба традицијата да ја приближиме до новите генерации. Создаваме заедница во која секој може да учи, да напредува, да настапува и пред сè да ја почувствува убавината на македонското културно наследство.
Од најмалите до највозрасните, сите нè обединува една љубов, а тоа е традицијата.
Ансамбл Традиција — чувари на минатото, градители на иднината.
3
групи — за почетници, за напредни и за возрасни рекреативци
Визија
Сакаме Ансамблот Традиција да прерасне во препознатлив и квалитетен фолклорен центар кој со љубов, знаење и посветеност ќе ја продолжува приказната за македонската традиција, достоинствено дома и пред светот.
Цел
Нашата цел е да создадеме квалитетни играорци, да развиваме љубов и почит кон македонската култура и да обезбедиме простор во кој секоја идна генерација ќе може да учи, создава и расте преку фолклорот.
Нашата традиција да не биде само наследство што го чуваме, туку преку настапи, концерти, фестивали, гостувања и соработка со други ансамбли да биде вредност што активно ја живееме и ја пренесуваме понатаму.
Раководител на ансамблот
м-р Едита Автова
Дипломиран професор по предучилишно воспитание, истакнат солист од прв ред, вработена во Н.У. ТАНЕЦ — Скопје.
Групи и распоред
Мала група и почетници
Средна група
Возрасни — рекреативна група
Што развиваме?
Фолклорните активности значително придонесуваат за целокупниот развој на детето. Преку учењето на традиционалните ора и песни, децата ја развиваат меморијата, концентрацијата и способноста за следење на комплексни секвенци. Фолклорот ја поттикнува креативноста и емоционалното изразување, а истовремено ја гради самодовербата кај детето преку заеднички настапи и успеси. Во групата се развиваат важни социјални вештини, како соработка, трпение, почитување на правилата и градење на пријателства. Најважно е што децата се поврзуваат со својата културна традиција, развивајќи чувство на припадност, национална свест и почит кон наследството.
Воедно, фолклорот позитивно влијае на физичкото здравје на детето, а традиционалните ора ја подобруваат координацијата, рамнотежата и моториката, ги зајакнуваат мускулатурата и коските, а истовремено го стимулираат кардиоваскуларниот систем. Редовното движење придонесува за правилен развој на скелетот, подобро држење на телото и одржување на здрава телесна тежина.
На овој начин, фолклорот станува моќно средство за воспитување и формирање на вредности кај децата уште од најмала возраст.
Богатството на носиите
Носии од сите краишта на Македонија
Секој регион си има своја носија — свои бои, кроj и везови, пренесувани од генерација на генерација. Ова е само мал дел од богатото наследство што го негуваме и низ ора и низ облека.
1 / 7
1.000 ден.
месечна членарина
Пристапница
Пополнете ја пристапницата за да резервирате место во групата. Секој прв во месецот ќе добиете е-пошта со информации за уплата на месечната членарина.
Сликовница и боенка
Капина и Војдан во волшебниот свет на традицијата
Авторска сликовница и боенка од Едита Автова — Капина и Војдан ги водат најмалите низ светот на македонската носија и традиција, страница по страница, за читање и боење.
250 ден.
Нарачај на тел: 072 236 441